ما هو ضعف عضلة القلب؟

ضعف عضلة القلب من أكتر أمراض القلب الشائعة، القلب مبيقدرش يضخ الدم بشكل طبيعي لباقي أعضاء الجسم، وبسبب ده ممكن يحصل مضاعفات خطيرة زي عدم انتظام ضربات القلب، وفشل القلب وغيرها من المضاعفات.

علشان نقدر نتجنب مشكلات عضلة القلب ومضاعفاتها الخطيرة لازم نعرف أسباب الضعف في عضلة القلب و أعراض عضلة القلب وده هنعرفه من خلال  المقال

اسباب ضعف عضلة القلب

في أسباب شائعة كتير للمرض دا ومعروفة لكتير من الناس زي:

1- التهاب العضلة دى وده ممكن يحصل في حالة الاصابة بفيروس معين او التهاب مزمن في عضلة القلب.

2- ضعف عضلة القلب الكحولي وده بيحصل في حالة الإستمرار في شرب الكحوليات.

3- ضعف عضلة القلب المقيّد وده بسبب إصابة في العضلة أو جدار القلب نفسه.

4- اعتلال عضلة القلب الضخامي وده بسبب زيادة سُمك عضلة القلب بشكل اكبر من العادي فبيعطّل  مجرى الدم وممكن تكون الحالة دي بسبب عوامل وراثية في تاريخ العائلة الطبي او بسبب تقدم العمر، واحيانًا بتظهر للأطفال.

5-  تصلّب الأوعية الدموية وده بسبب زيادة معدل الكوليسترول على جدران الأوعية الدموية، وبالتالي القلب بيضخ دم بقوة اكبر من العادي، فبيسبب ضعف في عضلة القلب.

أما عن أسباب الخطيرة للنوع دا من الضعف في القلب هي الحمى الروماتيزمية لكنها غير شائعة، علشان كده بينصح الدكاترة بعدم إهمال علاج الحمى الروماتيزمية، لأن علاجها بيكون بداية لتجنّب الإصابة بضعف عضلة القلب من البداية.

الحمى الروماتيزمية غالبًا بتظهر مع الإصابة بالتهاب حلق قوي و بتظهر على المصاب أعراض الحمى الروماتيزمية كالآتي:

– آلام في المفاصل.

– آلام في العضلات

– طفح جلدي.

– التهاب وتورم اللوزتين.

– صداع.

– غثيان وتقيؤ.

– حمى متوسطة الحدة.

– آلام في الصدر وخفقان في القلب.

دي كانت اكتر الأعراض الشائعة لمرض الحمى الروماتيزمية ولكن في بعض الأعراض النادرة ودي كالآتي:

– بثور تحت الجلد.

– حمى مرتفعة وحادة جدًا.

– نزيف الأنف.

– ألم في البطن.

اسباب الحمى الروماتيزمية 

زي ما قولنا فوق ان الحمى الروماتيزمية بتيجي بسبب التهاب قوي في الحلق و ده بيظهر بسبب نوع معين من البكتيريا بسبب اهمال العلاج وتدهور الحالة.

من ضمن العوامل اللي بتزود فرص الإصابة بمرض الحمى الروماتيزمية الآتي:

1- عوامل وراثية، يعني وجود تاريخ عائلي من الإصابات بنفس المرض.

2-تكرار الإصابة بالتهاب الحلق.

3- تأخير العلاج من الإصابة بالتهاب الحلق.

مضاعفات الحمى الروماتيزمية 

مضاعفات الحمى الروماتيزمية ممكن توصل للقلب وتسبب ضعف في عضلة القلب، علشان كده الدكاترة بينصحوا بضرورة متابعة صحة القلب في حالة الإصابة بالحمى الروماتيزمية وإهمال علاجها، لأن زي ما ذكرنا إهمال علاج الحمى الروماتيزمية ممكن يسبب مضاعفات خطيرة على القلب منها:

– فشل القلب.

– مشاكل صمامات القلب.

– روماتيزم القلب.

تشخيص ضعف عضلة القلب

التشخيص الصحيح هو أول طرق علاج الضعف في عضلة القلب، وأول خطوة في التشخيص بتبدأ من الكشف على المريض علشان نوصل لأحسن طرق علاج مرض عضلة القلب من خلال الكشف، وبالتالي ممكن الدكتور يطلب من المريض فحوصات كالآتي:

– تخطيط صدى القلب 

– تخطيط كهربية القلب 

– تصوير القلب بالأشعة السينية 

– أخذ عينة قلبية للتأكد من مدى قوة الأنسجة، ودي من اهم الخطوات اللي من خلالها بيقدر الدكتور يحدد افضل طرق علاج ضعف القلب

خطورة ضعف القلب بيزيد  مع بعض العوامل اللي ممكن تكون عند المريض كالآتي: 

1- الوراثة، يعني التاريخ العائلي للمريض كان فيه مرضى قلب وحالات توقف قلب مفاجئ وهكذا.

2- ارتفاع مستمر في ضغط الدم.

3- مرض سابق في الشريان التاجي او وجود عدوى في القلب

طرق علاج ضعف عضلة القلب

 طرق علاج ضعف عضلة القلب مختلفة ويمكن تقسيمها لأكثر من طريقة، ولكن بشكل عام المفروض نبدأ بعلاج مشاكل قصور الشرايين وأسبابها سواء كان ضغط عالي أو ارتفاع الكوليسترول في الدم وأو السكري.

افضل دكاترة القلب بينصحوا بالإبتعاد عن الموالح، والأطعمة الدسمة، والمحافظة على وزن جسم طبيعي بعيدًا عن السمنة، للحفاظ على مستوى ضغط الدم طبيعي، وكذلك الكوليسترول.

– في حالة مرضى القلب اللي عندهم نسبة الدهون والكوليسترول عالية، ينصح الأطباء هنا بأخذ الادوية اللي تحافظ على مستوى ضخ الدم، بالإضافة لضرورة الحفاظ على نظام غذائي مناسب وصحي.

– الاشخاص اللي عندهم ضعف القلب الكحولي، هنا لازم الإقلاع عن الكحوليات فورًا والبدء في أخذ الأدوية لمعالجة قصور القلب.

– في حالة ضعف الضخامي في عضلة القلب، يتم علاجه بأدوية تساعد في تنظيم التنفس للمريض وتخفيف الألم في الصدر 

– في حالة وجود أنواع ضعف مختلفة في عضلة القلب قد يحتاج المريض إلى زرع جهاز ملازم له علشان يقرأ ضربات القلب وتنظيمها أو استخدام أدوية تعمل على معالجة الرجفان القلبي.

دي بشكل مختصر اهم طرق علاج الضعف في عضلة القلب و طبعًا لو حاسس بأي اعراض ضعف عضلة القلب، المفروض تكشف عند دكتور قلب ممتاز ضروري في اسرع وقت علشان تطمن على صحتك.