في احتمالية كبيرة إن تغيير نمط حياتك لنمط صحي مستمر، هيحميكي من مرض القلب المبكر عند النساء، وعلشان تعرفي إيه هو اسلوب الحياة الصحي المناسب لمرضى القلب بعيدا عن أدوية القلب فقط، استمري في القراءة.
الوقاية من مرض القلب المبكر عند النساء:
لو بتعيشي حياة مليانة بالكسل وعدم الحركة حاولي تجربي الخطوات دي من النهاردة علشان تحمي نفسك من أخطر أمراض القلب.
1- وقفي التدخين:
علشان هو واحد من العوامل الرئيسية اللي بيسبب امراض القلب، بالذات “تصلب الشرايين” كمان الامتناع عنه هيقلل فرصة الإصابة بأمراض القلب منها “الأزمات القلبية” وهيقلل مضاعفاتها.
2- اعتدال مستوى ضغط الدم:
حاولي تتابعي مستوى ضغط الدم باستمرار ، وممكن دكتورك الخاص يرشح قياسة اكتر من مرة لو كان عندك تاريخ مع امراض القلب أو كان ضغط الدم أعلى من مستواه الطبيعي، علشان المستوى الطبيعي لضغط الدم بيكون اقل من 120 انقباضي و 80 انبساطي.
3- تابعي مستوى الكوليسترول في الدم.
لازم تتابعي باستمرار مستويات الكوليسترول في الدم بشكل أساسي، وبعد كده اعمليه على فترات بعيدة عن بعض، ولو كان عندك حد في العيلة عنده مستوى الكوليسترول عالي ابدأي تحاليل دهون الدم في عمر مبكر شوية للوقاية من مرض القلب المبكر عند النساء.
4- داء السكري:
مستوى السكر في الدم لازم يكون في مستوى طبيعي، علشان التحكم في مستواه هيقلل من فرصة الإصابة بأمراض القلب ومضاعفاتها.
5- كلي اكل صحي:
اتباعك نظام غذائي صحي مفيد للقلب زي (الخضراوات والفاكهة)، وكمان تقليل كمية الدهون المشبعة في الوجبات والسكر، هيساعدك تتحكمي في وزنك وكمان مستوي الكوليسترول وضغط الدم.
6- حافظي على وزنك:
علشان السمنة المفرطة بتسبب مشاكل في القلب وبترفع من نسبة الإصابة بأمراض القلب وبتقلل فرصة الوقاية والعلاج.
7- اتحكمي في توترك:
حاولي تتمرني على تمارين التحكم في التوتر زي التنفس العميق واسترخاء العضلات.
8- عالجي الاكتئاب:
اتكلمي مع دكتورك لو حسيتي انك مش مهتمة بالحياة في العموم وعلى طول في احساس بالزعل، علشان لو متعالجش في اسرع وقت هيكون في خطر إصابتك بمرض القلب المبكر عند النساء بشكل كبير.
9- ممارسة العادات الصحية اليومية:
انك تغسلي ايدك و أسنانك بالفرشاة والخيط بشكل مستمر.
10- ممارسة الحركة البدنية:
الاستمرار في الحركة وممارسة الرياضة بشكل مستمر هتساعدك توصلي للوزن الصحي ليكي وتحافظي عليه بسهولة، ومن خلال الرياضة هتقدري تتحكمي في أي عوامل خطر تساهم في اصابتك بامراض القلب زي ارتفاع الكوليسترول و ضغط الدم والسكري، ابدئي في الاول انك تخصص 30 دقيقة من يومك تتمرنى فيهم في معظم أيام الأسبوع.
الخطوات دي هتوصلك للوقاية من امراض القلب لو فعلاً انتظمتي عليها ومنستيش خطوة منهم.
عوامل خطر مرض القلب المبكر عند النساء:
1- مرض السكري:
النساء اللي عندها داء السكري نسبة إصابتها بمرض القلب المبكر عند النساء كبيرة وأعلى من الرجال، وده ممكن يسبب الاصابة بالنوبة القلبية “الصامتة” من غير الشعور وظهور أي أعراض عليهم.
2- مضاعفات الحمل:
خلال فترات الحمل بيرتفع ضغط الدم وداء السكري على المدى الطويل، وده ممكن يسبب إصابتهم بمرض القلب المبكر عند النساء.
3- الالتهابات:
زي الروماتويد والتهاب المفاصل من أكثر العوامل اللي بتزيد من فرص الإصابة بمرض القلب المبكر عند النساء و كمان الرجال.
4- الأمراض الوراثية:
العامل دا بيؤثر أكتر على النساء أكثر من الرجال.
هل الحمل يسبب عدم انتظام ضربات القلب؟
– مشاكل النظام القلبي:
بيحصل عدم انتظام في نبضات القلب خلال فترة الحمل بس ده مش بيسبب قلق علشان العامل دا بيحصل النساء الغير حوامل برضه، وبيسبب مرض القلب المبكر عند النساء.
– عيب خلقي في القلب:
لو انتي اتولدتي بمشكلة في القلب في احتمالية مش صغيرة إن ابنك لما يتولد ممكن يكون عنده عيوب في القلب، أو لو بنت يجيلها مرض القلب المبكر عند النساء.
– مشاكل في صمامات القلب:
وجود صمامات القلب الاصطناعية بتزود نسبة حدوث مضاعفات خلال فترة الحمل، ولو الصمامات مشتغلتش بشكل صح ممكن تواجه مشكلة في زيادة كمية تدفق الدم خلال فترة الحمل.
– فشل القلب الاحتقاني:
بيحصل لما حجم الدم يزيد.