علاج عدم انتظام ضربات القلب في أقل من 60 دقيقة
ما هو عدم انتظام ضربات القلب؟
عدم انتظام ضربات القلب هو مشكلة في معدل ضربات القلب الطبيعية أو سرعتها، بمعنى أن القلب ممكن ينبض بسرعة شديدة أو ببطء شديد بمعدل منظم أو غير منتظم.
ما هو معدل ضربات القلب الطبيعي؟
معدل ضربات القلب الطبيعي بيتراوح ما بين 60 لـ 100 ضربة أو نبضة في الدقيقة الواحدة للبالغين في وقت الراحة.
وبيختلف معدل ضربات القلب الطبيعي على حسب العمر و فترات الراحة أو المجهود
ايه علاج عدم انتظام ضربات القلب؟
علاج عدم انتظام ضربات القلب بيكون إما عن طريق عملية تركيب جهاز تنظيم ضربات القلب بدون جراحة، أو دواء منظم ضربات القلب، أو علاج عدم انتظام ضربات القلب طبيعيا بالأعشاب والأطعمة.
و كل طريقة من طرق علاج عدم انتظام ضربات القلب بيكون ليها سعرها، فمثلا سعر تكلفة زراعة جهاز منظم ضربات القلب فى مصر بتتراوح ما بين 35 ألف جنيه لـ 60 ألف جنيه.
ازاي بيتم تنظيم ضربات القلب طبيعيا ؟
القلب يتكون من 4 حجرات عبارة عن 2 أذين و 2 بطين، وبيتم التحكم في إيقاع ضربات القلب من خلال منظم القلب الطبيعي الموجود في الأذين الأيمن.
منظم القلب الطبيعي معروف بالعقدة الكهربية اللي بيطلع منها نبضات كهربية بتسبب انقباض عضلات الأذينين، و بالتالي بيتم ضخ الدم إلى البطينين.
النبضات الكهربية دي بتوصل لخلايا معينة في القلب اسمها خلايا العقدة الأذينية البطينية، وصول النبضات الكهربية للخلايا بانتظام و بمعدل طبيعي من غير تأخير أو سرعة زيادة هو المسؤول عن انتظام معدل ضربات القلب طبيعيا من غير بطء أو زيادة في سرعة النبض الطبيعي.
في حالة اضطراب أو حدوث أي خلل في العقدة الكهربية أو الخلايا اللي بتستجيب للإشارات الكهربية اللي طالعة من العقدة الكهربية، بيتم اللجوء لـ دواء منظم ضربات القلب لو الحالة الصحية للمريض تسمح بتناول الأدوية من النوع دا، أو بيتم اللجوء لـ عملية تركيب جهاز تنظيم ضربات القلب في الحالات المتطورة، واللي بيحدد الأنسب للحالة الصحية هو دكتور قلب وباطنة.
و مفيش داعي للقلق من عملية تركيب جهاز تنظيم ضربات القلب أو انك تدور على افضل دكتور جراحة قلب فى مصر لأن عملية تركيب جهاز تنظيم ضربات القلب بتكون بدون جراحة.
في المقال دا تقدر تعرف ما هو جهاز منظم ضربات القلب و أفضل انواع اجهزة تنظيم ضربات القلب، و ازاي بيتم التعايش مع جهاز تنظيم ضربات القلب من هنا
اعرف ما هو عدم انتظام ضربات القلب من خلال شرح مبسط مع دكتور سامح علام أستاذ دكتور امراض القلب.
انواع عدم انتظام ضربات القلب
أنواع عدم انتظام ضربات القلب حسب سرعة معدل الانقباض بينقسم لـ:
- معدل ضربات قلب سريع أكتر من 100 نبضة في الدقيقة الواحدة في أوقات الراحة.
- معدل ضربات قلب بطيء أقل من 60 نبضة في الدقيقة في أوقات الراحة.
- معدل ضربات قلب غير منتظم بين السريع والبطيء في نفس الدقيقة.
ملحوظة: عدم انتظام ضربات القلب مش لازم يكون سببها مرض، زي عدم انتظام ضربات القلب بسبب القلق، و عدم انتظام ضربات القلب بمعدل سريع في وقت التمارين الرياضية أو بذل مجهود أكبر من اللي متعود عليه، و عدم انتظام ضربات القلب والقولون العصبي وقت اضطرابه.
لكن مش من الطبيعي أن يحصل عدم انتظام ضربات القلب بمعدل بطيء أثناء النوم، ولو قلت ضربات القلب عن 50 نبضة في الدقيقة أثناء النوم فغالبًا هيكون بسبب مرض عدم انتظام ضربات القلب.
ضربات القلب المبكرة
دا نوع من انواع عدم انتظام ضربات القلب واللي فيه بيحس المريض بنبضة قوية بشكل مفاجئ لثواني قليلة كأنها نبضة إضافية عن معدل النبضات الطبيعية، و النبضة دي معروفة بـ نبضة القلب المبكرة بسبب أن بطينين القلب محصلهمش انقباض مع بعض في نفس الثانية و بطين واحد فيهم سبق البطين الآخر.
النوع دا من انواع عدم انتظام ضربات القلب عادةً بيحصل بسبب التوتر أو مجهود زيادة عن الطبيعي أو حتى شرب القهوة الكتير أو التدخين.
ناس كتير مش بيهتموا بالنوع دا من انواع عدم انتظام ضربات القلب لأنه مش دائم 24 ساعة لكنه خطير على المدى الطويل لأنه بينتج عنه ضعف في القلب ومضاعفات أخطر.
خلي بالك أن عدم انتظام ضربات القلب من أي نوع من الأنواع السابقة ممكن يسبب مضاعفات زي الجلطة و فشل القلب.
اعراض عدم انتظام ضربات القلب
اعراض عدم انتظام ضربات القلب سواء السريع أو البطيء بتشترك في:
- ألم و ضيق في الصدر.
- إغماء متكرر.
- ضيق في التنفس.
- احساس بيشبه الرفرفة في القلب.
- تعب وارهاق مستمر مع دوخة.
- تشويش في الرؤوية أحيانا ( زغللة ).
- صداع مع عدم تركيز.
للأسف مفيش فرق كبير بين اعراض عدم انتظام ضربات القلب لكبار السن و اعراض عدم انتظام ضربات القلب عند الاطفال؛ و كل اعراض عدم انتظام ضربات القلب السابقة هي اعراض مشتركة مع أمراض تانية زي الأنيميا أو مرض الضغط أو مشاكل في صمام القلب، لكن مضاعفات عدم انتظام ضربات القلب ممكن توصل لـ سكتة دماغية.
علشان كدا اعراض عدم انتظام ضربات القلب مينفعش نتجاهلها أو نعتبرها حاجة بسيطة، ولازم يتم زيارة الدكتور فورًا علشان يتم اجتناب أي مضاعفات من مضاعفات عدم انتظام ضربات القلب.
اسباب عدم انتظام ضربات القلب
امراض تسبب عدم انتظام ضربات القلب
الإصابة ببعض الأمراض ممكن ينتج عنها عدم انتظام ضربات القلب، الامراض دي زي:
1- ارتفاع ضغط الدم.
2- مرض السكر.
3- اضطراب الغدة الدرقية بما يعني فرط نشاط الغدة الدرقية أو نقص نشاط الغدة الدرقية.
4- مرض توقف التنفس أثناء النوم.
5- الإصابة بفيروس كوفيد -19.
تناول بعض الأدوية
كل الأدوية بيكون ليها آثار جانبية، وبعض الأدوية بيكون من آثارها الجانبية عدم انتظام ضربات القلب.
ادوية بتسبب زيادة سرعة ضربات القلب:
- أدوية علاج ارتفاع ضغط الدم.
- أدوية علاج الربو.
- أدوية المضادات الحيوية زي زيثروماكس و الأموكسيسيلين.
- أدوية البرد والحساسية و الكحة.
- أدوية علاج نقص هرمونات الغدة الدرقية.
- أدوية مضادة للاكتئاب لانها بتزود من تأثير هرمون الادرينالين و هرمون السيروتونين وبالتالي بتزيد من سرعة ضربات القلب.
- بعض المكملات الغذائية اللي بتساعد على التركيز زي مادة الجنسنغ الموجودة في كبسولات جنسانا و كبسولات جنكو بلس.
ادوية بتسبب بطء سرعة ضربات القلب:
- أدوية المهدئات و المنومات.
- أدوية علاج ارتفاع هرمونات الغدة الدرقية.
- بعض الأدوية الباسطة للعضلات و المضادة للتشنجات.
خلل في مكونات الدم
الدم بيتكون من:
- 92% ماية.
- 7% بروتينات مهمة.
- 1% معادن رئيسية و هرمونات و فيتامينات.
مكونات الدم هدفها الرئيسي هو مساعدة خلايا الجسم انها تشتغل بكفاءة و أن كل اعضاء الجسم تشتغل بانتظام في تناغم مع بعض، بما فيها خلايا عضلة القلب.
أي خلل في عناصر مكونات الدم بيؤدي إلى:
– زيادة أو نقص هرمون الغدة الدرقية وبالتالي عدم انتظام ضربات القلب.
– نقص الماية و الجفاف ممكن يسبب عدم انتظام ضربات القلب و أن معدل الضربات بيكون أسرع من الطبيعي.
– قلة مستوى العناصر الأساسية في الدم زي البوتاسيوم أو المغنيسيوم أو الكالسيوم بتسبب عدم انتظام ضربات القلب؛ قلة مستوى العناصر دي ممكن يكون بسبب الجفاف، أو سوء التغذية، أو تناول بعض الأدوية اللي بتمنع الجسم من امتصاص العناصر الغذائية المهمة، أو القيام بجراحة حديثة في الجسم، أو التعرض لنوبة قلبية.
عدم انتظام ضربات القلب بسبب القلق والتغيرات الهرمونية<br />
-الإجهاد العاطفي الشديد سواء بالفرح أو بالحزن ممكن ينتج عنه عدم انتظام ضربات القلب، لأنه بيتسبب في أن القلب يشتغل بمجهود أكبر و بالتالي بيحصل ارتفاع في ضغط الدم.
– هرمونات التوتر بتسبب ارتفاع في ضغط الدم و بالتالي عدم انتظام ضربات القلب.
-عدم انتظام ضربات القلب بسبب القلق نتيجة زيادة بعض الهرمونات زي هرمون الادرينالين اللي بيسبب زيادة معدل انقباض القلب.
امراض القلب
عدم انتظام ضربات القلب ممكن يكون سبب أو نتيجة لبعض أمراض القلب زي:
- تغييرات في انسجة القلب الطبيعية بسبب ضعف عضلة القلب في مرض فشل القلب.
- قلة وصول الدم للقلب بسبب انسداد الشرايين أو خلل في صمامات القلب.
- عمل القلب بكفاءة بعد فترة من التعود على أداء أقل من الطبيعي، بمعنى أن أحد أمراض القلب زي النوبة القلبية مثلا تسببت في ضخ واستيعاب القلب لكمية أقل من الطبيعي، وبالتالي مع علاج النوبة القلبية و رجوع القلب أنه يشتغل جزئيًا بكفاءته الأصلية، ده بينتج عنه عدم انتظام ضربات القلب لمدة.
- الإصابة بمرض تصلب أنسجة القلب المعروف بـ تليف الأنسجة أو وجود ندبات في الأنسجة.
ملحوظة: ندبات أنسجة القلب مش معناها وجود ثقب في القلب، لأن ندبات أنسجة القلب هو أن نسيج خلايا القلب بيزيد في السماكة و ده بيقلل من قدرة عضلة القلب على الانقباض بكفاءة وممكن ينتج عنه فشل القلب؛ لكن ثقب القلب هو عيب خلقي بيتولد بيه المرضى.
عوامل خطر الإصابة بـ عدم انتظام ضربات القلب
بعض العوامل ممكن تزيد من خطورة الإصابة بعدم انتظام ضربات القلب، والأحسن للوقاية من عدم انتظام ضربات القلب هو الابتعاد عن العوامل دي.
عدم انتظام ضربات القلب والسن
يتزيد نسبة خطورة الإصابة بعدم انتظام ضربات القلب كل ما تقدمنا في العمر، بمعنى أن نسبة اللإصابة بـ عدم انتظام ضربات القلب لكبار السن أعلى من نسبة الإصابة بـ عدم انتظام ضربات القلب عند الاطفال.
النوع الشائع في عدم انتظام ضربات القلب لكبار السن هو الرجفان الأذيني وهو من أخطر انواع عدم انتظام ضربات القلب لأنه ممكن يؤدي إلى جلطات دموية وسكتة دماغية وفشل القلب.
فـ 70% من الأفراد المصابين بـ عدم انتظام ضربات القلب لكبار السن من نوع الرجفان الأذيني بتتراوح أعمارهم بين 65 و 85 عامًا.
عدم انتظام ضربات القلب بالوراثة
ممكن يكون عدم انتظام ضربات القلب هو مرض وراثي، يعني ممكن يورثه الأبناء في جيناتهم من الأباء أو الأقارب من لحظة تكوينهم الأباء في الأرحام.
و غالبًا عدم انتظام ضربات القلب الوراثي بيكون مصاحب لمشاكل وراثية أكبر في القلب زي العيوب الخلقية في القلب، أو فشل عضلة القلب، أو قابلية الجسم لانسداد الشرايين بسهولة نتيجة أمراض الدم زي ارتفاع نسبة الكوليسترول في الدم.
و بيكون ملاحظ جدًا في العائلة دي إصابة أفراد كتير منها بأمراض القلب زي مرض الشريان التاجي، وبالتالي بيكون من المتوقع إصابة أفراد أخرى كتير من العائلة بمرض عدم انتظام ضربات القلب.
عدم انتظام ضربات القلب و اسلوب حياة خاطيء
بيزيد خطر الإصابة بمرض عدم انتظام ضربات القلب في حالة اعتياد الشخص على:
- شرب كميات كبيرة من المشروبات الكحولية.
- التدخين بشراهة أو حتى التدخين بكميات قليلة لكن لفترات طويلة.
- تعاطي المخدرات والإدمان زي تعاطي الكوكايين.
- الإفراط في شرب المنبهات زي القهوة والشاي.
أمراض تزيد من خطر الإصابة بعدم انتظام ضربات القلب
- تمدد الأوعية الدموية.
- اضطرابات المناعة الذاتية زي التهاب المفاصل الروماتويدي والذئبة الحمراء.
- مرض السكر لأنه بيزيد من خطورة الإصابة بمرض ارتفاع ضغط الدم و امراض القلب التاجية زي مرض الشريان التاجي. ( اعرف علاقة الإصابة بمرض السكر و الإصابة بـ ارتفاع ضغط الدم في فيديو دكتور سامح علام )
- اضطرابات التغذية زي الشره في الأكل أو فقدان الشهية.
- فشل القلب لأنه بيأثر على طريقة ارسال و استقبال الإشارات الكهربائية المسؤولة عن انقباض القلب بانتظام.
- علاج ثقب القلب، لأن القيام بأي جراحة في القلب حتى لو مع اشهر اطباء جراحة القلب فى مصر هتسبب عدم انتظام ضربات القلب كآثار جانبية بعد الجراحة، وغالبًا بيلجأ دكتور القلب أنه يكتب للمريض على علاج عدم انتظام ضربات القلب بحيث يستمر عليه المريض لفترات طويلة.
- أمراض الرئة زي مرض الانسداد الرئوي المزمن.
- السمنة.
عدم انتظام ضربات القلب حسب الجنس
في دراسات بتقول أن عدم انتظام ضربات القلب عند الرجال أكبر من نسبة الإصابة بـ عدم انتظام ضربات القلب عند النساء في المراحل الطبيعية من العمر.
لكن عدم انتظام ضربات القلب عند النساء بيزيد في فترات معينة زي فترة الدورة الشهرية و فترات الحمل نتيجة التغيرات الهرمونية، لو بنت لاحظت عدم انتظام ضربات القلب فقط في الفترات دي فبيقدر يعتبره الأطباء شئ طبيعي و غير مرضي، أما لو عدم انتظام ضربات القلب عند النساء مستمر لفترات طويلة لا تشمل فترة الدورة أو الحمل فـ وقتها لازم تلجأ لدكتور قلب فورًا لتحديد اسباب عدم انتظام القلب لحالتها و أفضل طرق العلاج.
لو حاسس أنك بتعاني من أكتر من عامل من العوامل السابقة و بتلاحظ عليك أي عرض من اعراض عدم انتظام ضربات القلب، ومحتاج تطمن على صحة و كفاءة قلبك؛ فـ دكتور سامح علام افضل دكتور قلب في مدينة نصر بشهادة عملاؤنا، بيقدملك استشارة مجانية أونلاين هيرد فيها عليك بنفسه من خلال الموقع .. كل اللي عليك أنك تحجز استشارة مجانية اونلاين من هنا.
مضاعفات عدم انتظام ضربات القلب
في حالة عدم الاهتمام والمتابعة مع دكتور قلب ممتاز حتى بعد ما ظهر على المريض أعراض كتير من اعراض عدم انتظام ضربات القلب، ومع وجود أكتر من سبب من اسباب عدم انتظام ضربات القلب أو أكتر عامل من عوامل الخطر زي السمنة و ارتتفاع ضغط الدم و مرض السكر؛ ممكن تحصل مضاعفات خطيرة زي:
سكتة دماغية.
بيرتبط عدم انتظام ضربات القلب بزيادة خطر الإصابة بجلطات الدم.
لأن إذا انفصلت جلطة القلب حتى لو جزء صغير منها، ممكن تتنقل في الدم من قلبك إلى عقلك.
وبكدا بيتمنع وصول الدم للدماغ وتحصل السكتة الدماغية.
خصوصًا مع التقدم في العمر، فـ إذا كان المريض بيعاني من عدم انتظام ضربات القلب ، فإن خطر إصابته بسكتة دماغية بيزداد لو عمره 65 عامًا أو أكثر، أو أقل من 65 عامًا لو المريض بيعاني من أي امراض قلب أخرى.
سكتة قلبية
ممكن يُصاب المريض بـ فشل القلب إذا كان القلب بيضخ الدم بشكل غير فعال لفترة طويلة بسبب بطء القلب أو عدم انتظام ضربات القلب ، فـ الاستمرار على علاج عدم انتظام ضربات القلب لفترة طويلة من غير المتابعة مع دكتور قلب ممتاز، ممكن يسبب قصور في القلب.
الزهايمر
ضعف الإدارك أو الخرف أو الزهايمر بيكون شائع مع مرضى عدم انتظام ضربات القلب، وممكن يكون السبب في ده هو انخفاض تدفق الدم إلى الدماغ بمرور الوقت.
تأخير اهتمامك ومتابعة اعراض عدم انتظام ضربات قلبك بيزيد من خطورة إلإصابة بشلل تام في الحياة نتيجة للمضاعفات اللي بتأثر على التركيز لحد الوصول للزهايمر، وبتأثر القلب والدماغ لحد التهديد بنهاية الحياة بسكتة قلبية أو سكتة دماغية.
كل ما هتكشف بدري أكتر، هتلحق تطمن على قلبك وتستمتع بحياتك بشكل أكبر.
تشخيص عدم انتظام ضربات القلب
في تشخيص عدم انتظام ضربات القلب بيبدأ دكتور القلب بسؤال المريض عن التاريخ المرضي للعائلة ولو في أحد الآباء أو الأقارب بيعاني من عدم انتظام ضربات القلب أو أمراض القلب الأخرى، وبعدها بيطلب بعض الفحوصات والآشعة.
اسئلة ممكن يسألها الدكتور في بداية تشخيص عدم انتظام ضربات القلب:
- هل أعراض عدم انتظام ضربات القلب بتزيد في الليل؟
- هل وقفت فجأة بعد الجلوس أو الاستلقاء وقت ما حسيت بأي عرض من أعراض عدم انتظام ضربات القلب؟
- هل أعراض عدم انتظام ضربات القلب بتحصل حتى في وقت الراحة؟
- نسبة زيادة أعراض عدم انتظام ضربات القلب بعد القيام بمجهود بسيط زي طلوع السلم؟
- ايه مدى القدرة على ممارسة الرياضة البسيطة زي المشي أو مستوى أعلى من الرياضة زي السباحة والغوص؟
- ايه الأدوية اللي بتتناولها الفترة دي أو في فترة بداية ملاحظة أعراض عدم انتظام ضربات القلب؟
الفحص البدني في تشخيص عدم انتظام ضربات القلب المبدئي
تشخيص عدم انتظام ضربات القلب المبدئي بيكون من خلال بعض الفحوصات البدنية البسيطة زي:
- الكشف على وجود أي تورم أو انتفاخ أو سوائل محبوسة في رجل المريض، واللي ممكن يكون علامة على وجودتضخم أو فشل بالقلب.
- استخدام السماعة الطبية للاستماع إلى ضربات قلب المريض وإيقاعها، لمعرفة مدى عدم انتظام ضربات القلب بشكل مبدئي.
- الكشف عن وجود أي أعراض أخرى غير أعراض عدم انتظام ضربات القلب، زي في مرض اضطراب الغدة الدرقية اللي من اعراضه عدم انتظام ضربات القلب.
فحوصات وأشعة في تشخيص عدم انتظام ضربات القلب
صورة دم كاملة
ممكن دكتور القلب يطلب من المريض القيام بعمل تحليل صورة دم كاملة للكشف عن أي نقص في مكونات الدم زي:
- البوتاسيوم والصوديوم والكالسيوم والماغنسيوم وغيرهم من العناصر المهمة في قيام عضلات الجسم بوظيفتها بكفاءة وانتظام بما فيهم عضلة القلب.
- بعض الهرمونات اللي نقصها أو زيادتها ممكن يكونوا من اسباب عدم انتظام ضربات القلب، زي هرمونات الغدة الدرقية.
تخطيط كهربية القلب ECG
11 حاجة مهم تعرفهم عن فحص تخطيط كهربية القلب لـ تشخيص عدم انتظام ضربات القلب:
- فحص كهربية القلب مش بياخد وقت طويل وبيستغرق دقايق قليلة.
- فحص غير مؤلم ومش بيحتاج لتخدير قبله.
- فحص آمن على الأطفال، والحوامل أو المرضعات.
- فحص لا ينتج عنه أي مخاطر في تشخيص عدم انتظام ضربات القلب لكبار السن.
- مش بيحتاج للصوم قبله، لكن بيتم منع المريض من بعض الأدوية اللي ممكن تأثر على نتيجة الفحص زي أدوية القلب وبعض أدوية الضغط.
- من الأفضل للمريض أن ملابسه تكون سهلة في الفك من عند منطقة محيط الصدر، زي قميص بأزرار سهلة.
- بيطلب دكتور القلب من المريض تجنب وضع أي كريمات أو مراهم على منطقة محيط الصدر قبل الفحص بيوم على الأقل، لأنها ممكن تأثر على نتيجة الفحص.
- من الطبيعي يحس المريض بقشعرة في وقت الفحص في مكان ملامسة أقطاب جهاز تخطيط كهربية القلب بمحيط الصدر.
- بعض الفحوصات بيمتنع بعدها المريض من القيادة، لكن فحص كهربية القلب مش مُجهد للمريض ولا بيسبب أي دوخة أو آثار جانبية تمنعه من القيادة بعده.
- النتائج الطبيعية لـ فحص تخطيط كهربية القلب بتكون متشابهة بين الرجال والنساء ومختلفة قليلا مع الحوامل، ومختلفة تمامًا عن نتيجة تخطيط كهربية القلب للأطفال لأن عادةً الأطفال بينبض قلبهم بشكل أسرع في مراحل النمو.
- فحص تخطيط كهربية القلب مفيد في تشخيص عدم انتظام ضربات القلب لكنه غير دقيق في تشخيص بعض الحالات الأخرى زي الذبحة الصدرية.
إجراءات تخطيط كهربية القلب
- بيتم وضع أقطاب صغيرة حوالي من 4 لـ 10 أقطاب بتشبه الحلقات المعدنية المدورة على محيط صدر المريض و أحيانا ممكن تتحط على أطراف الجسم على حسب تحديد الدكتور لكيفية إجراء الفحص.
- ممكن يتم ترطيب الأقطاب و محيط الصدر بشوية ماية قليلين علشان ده بيساعد في كفاءة الأقطاب انها تسجل الإشارات الكهربية للقلب.
- بيتم تسجيل ضربات القلب على شاشة الكومبيوتر المتوصل بالاقطاب وبيقدر دكتور القلب بسهولة يحدد مدى معدل عدم انتظام ضربات القلب وهل هو سريع أو بطيء أو غير منتظم بين السريع والبطيء، ونسبة الخطورة .
جهاز هولتر في تشخيص عدم انتظام ضربات القلب
جهاز هولتر بيتم اعتباره جهاز رسم قلب 24 ساعة، لأن بسبب حجمه الصغير ووزنه الخفيف ممكن يتم وضعه على الصدر لمدة يوم أو أكتر ويقدر يمارس المريض عاداته اليومية بشكل طبيعي جدًا، والجهاز على مدار 24 ساعة بيتابع ويسجل ضربات القلب علشان يساعد في تشخيص عدم انتظام ضربات القلب بشكل دقيق مع بعض المرضى اللي حالتهم متطورة و محتاجة متابعة باستمرار.
أشعة الموجات فوق الصوتية على القلب ( الإيكو )
7 أسباب ليه الإيكو مهم
- بيساعد في تحديد شكل وحجم القلب و حركة جدران القلب لتحديد مدى خطورة التغييرات اللي حصلت بالقلب عن الطبيعي.
- بيحدد قوة ضخ القلب للدم.
- بيقيم مستوى قدرة عمل صمامات القلب بشكل سليم.
- بيكشف عن وجود أي ورم أو التهابات نتيجة عدوى بأنسجة القلب.
- بيحدد اتساع أو ضيق وانسداد الأوعية الدموية بالقلب.
- بيكشف عن وجود أي ثوب غير طبيعية في جدران القلب.
- بيحدد وجود أو تكوين أي جلطات في القلب.
عملية زرع جهاز تتبع ضربات القلب
- زرع جهاز تتبع ضربات القلب هو إحدى طرق تشخيص عدم انتظام ضربات القلب في الحالات النادرة اللي بتحتاج تتبع ضربات القلب بشكل مستمر.
- و هو جهاز صغير الحجم أد عقلتين أصبع تقريبًا أو أصغر وبيكون متوصل لاسلكي بجهاز خارجي له شاشة بيعرض معدل عدم انتظام ضربات القلب و مدى خطورته.
- مدة عمر جهاز تتبع ضربات القلب بداخل الجسم ممكن توصل لـ 3 سنوات متتالية.
- خطورة جهاز تتبع عدم انتظام ضربات القلب بتتمثل في أن ممكن يحصل نزيف أو كدمات مكان زرعه بالصدر.
- في حالة حدوق أي مضاعفات أو اضرار جهاز تتبع عدم انتظام ضربات القلب زي تضرر القلب أو الأوعية الدموية، بيلجأ دكتور القلب لإزالة الجهاز فورًا و إيجاد بدائل مناسبة لمتابعة تطورات عدم انتظام ضربات القلب للمريض.
علاج عدم انتظام ضربات القلب
بيعتمد علاج عدم انتظام ضربات القلب على إصابة المريض بأي نوع من انواع عدم انتظام ضربات القلب، لأن بعض انواع عدم انتظام ضربات القلب بتكون غير خطيرة وبتطلب تغيير بعض العادات الحياتية، وبعض انواع عدم انتظام ضربات القلب الأخرى بيتم علاجها إما عن طريق الأدوية أو عن طريق القيام بـ عملية زرع جهاز تنظيم ضربات القلب.
علاج عدم انتظام ضربات القلب السريعة
علاج عدم انتظام ضربات القلب السريعة بيعتمد على مدى خطورة و تطور اعراض عدم انتظام ضربات القلب السريعة، و العلاج بيشمل:
- جهاز تنظيم ضربات القلب
- دواء منظم ضربات القلب
- لصقة تنظيم ضربات القلب
- علاج عدم انتظام ضربات القلب طبيعيا بالاعشاب والاطعمة
علاج عدم انتظام ضربات القلب البطيئة
لو السبب الرئيسي في اسباب عدم انتظام ضربات القلب البطيئة هو خلل في الإشارات الكهربية أو في خلايا القلب اللي بتستقبل الإشارات دي، بيكون علاج عدم انتظام ضربات القلب الوحيد في الحالة دي هو عملية زرع جهاز تنظيم ضربات القلب.
جهاز تنظيم ضربات القلب
ما هو جهاز تنظيم ضربات القلب؟
جهاز تنظيم ضربات القلب بطارية كهربية صغيرة في حجم علبة الكبريت، وزنه بيتراوح بين 20 لـ 50 جرام، بيتم وضعه على الجانب الأيسر من الصدر أسفل عظمة الترقوة مباشرة من خلال شق صغير حوالي 5 لـ 6 سم، و إدخال أسلاك تنظيم النبضات الكهربائية من خلال الوريد.
شكل جهاز تنظيم ضربات القلب
شكل جهاز تنظيم ضربات القلب بيكون شبه علبة الكبريت الصغيرة وله أسلاك بتمر في الوريد الموصل للقلب، وهي مسؤولة عن نقل توزيع النبضة الكهربية من جهاز تنظيم ضربات القلب إلى البطين الأيمن (الغرفة السفلية اليمنى للقلب).
تحتوي أجهزة تنظيم ضربات القلب على 1 لـ 3 أسلاك بيتم وضعها في حجرات مختلفة من القلب، فمثلًا:
- إذا كان جهاز تنظيم ضربات القلب له سلك واحد فقط ( السك الرئيسي ) فلازم يكون السلك بيوصل بين المولد لـ البطين الأيمن من القلب.
- إذا كان جهاز تنظيم ضربات القلب بيحتوي على غرفتين وخارج منهما سلكين، سلك منهما بيوصل الشحنات الكهربائية من المولد للبطين الأيمن من القلب، والسلك الآخر بيوصل للأذين الأيمن من القلب، و بالتالي بيساعد في انقباض وانبساط الأذين و البطين الأيمن بتناغم وانتظام أكبر.
- إذا كان جهاز تنظيم ضربات القلب بيحتوي على 3 أسلاك، بيكون واحد منهم بيوصل الشحنات الكهربية إلى الأذين الأيمن، والسلكين الآخرين بيوصلوا الشحنات الكهربائية إلى البطين الأيمن والأيسر؛ النوع دا من انواع جهاز تنظيم ضربات القلب بيستخدم مع بعض الحالات المتقدمة من حالات استعمال جهاز تنظيم ضربات القلب. وبيتم تسميته ( جهاز علاج إعادة تزامن القلب (CRT) )
كيف يعمل جهاز تنظيم ضربات القلب؟
- جهاز تنظيم ضربات القلب هو عبارة عن بطارية ومولد وأسلاك مزودة بأجهزة استشعار في أطرافها. (المستشعرات دي معروفة باسم بالأقطاب الكهربائية).
- البطارية بتسبب إطلاق المولد لنبضة أو إشارة كهربائية بتنتقل خلال الاسلاك لحد ما توصل للبطين الأيمن من القلب.
- بيساعد جهاز تنظيم ضربات القلب في مراقبة ضربات القلب والتحكم فيها، بحيث بتكتشف الأقطاب الكهربائية النشاط الكهربائي لقلب المريض وترسل البيانات خلال الأسلاك إلى الكمبيوتر في المولد.
- إذا كان معدل ضربات القلب غير طبيعي، هيقوم الكمبيوتر بتوجيه المولد لإرسال نبضات كهربائية إلى القلب تسبب في انقباض القلب بشكل منتظم
- المولد المسؤول عن إطلاق النبضة أو الإشارة الكهربية بتكون مبرمجة بدقة على مقدار الشحنة الكهربية المناسبة لقلب المريض علشان يشتغل بكفاءة وانتظام.
حالات استعمال جهاز تنظيم ضربات القلب
يوجد بعض الحالات اللي ممكن فيها استعمال جهاز تنظيم ضربات القلب غير الإصابة بمرض عدم انتظام ضربات القلب، فمثلًا يمكن استخدامه مع:
- حالة إحصار القلب، وهي حالة مرضية بيكون فيها سريان ضربات القلب بطيء جدًا بسبب خلل في نظام القلب الكهربائي المسؤول عن التحكم في معدل وإيقاع ضربات القلب.
الفرق بين بطء معدل ضربات القلب و إحصار القلب
| إحصار القلب | بطء معدل ضربات القلب |
| المقصود بـ إحصار القلب أن الإشارة الكهربية تم إطلاقها من العقدة الكهربية بكفاءة لكن معدل سريان الإشارة الكهربية أو تحركها في خلايا القلب بطيء. | المقصود بـ عدم انتظام ضربات القلب البطيء أن ضربات القلب بيتم إطلاقها ببطء من العقدة الكهربية بالقلب. |
- الالتزام بتناول أدوية لا يمكن استبدالها أو الاستغناء عنها و بتسبب بطء معدل ضربات القلب مثل أدوية علاج ارتفاع ضغط الدم.
- بعد القيام بجراحة في القلب حتى لو المريض لم يكن مصاب بـ عدم انتظام ضربات القلب قبل الجراحة.
- بعض الحالات الطبية زي حساسية الشريان الرئيسي بالرقبة لأي حركة و هو الشريان المسؤول عن تغذية العقل بالدم، فممكن بسبب تحريك بسيط مفاجئ للرقبة يقل و يتباطأ معدل ضربات القلب وبالتالي معدل تدفق الدم للدماغ بيقل جدًا وينتج عن كدا حالات إغماء متكررة.
مخاطر جهاز تنظيم ضربات القلب
بعيادتنا بنقوم بـ عملية تركيب جهاز تنظيم ضربات القلب بدون جراحة تقريبًا ونسبة الخطر في عملية تركيب جهاز تنظيم ضربات القلب تكاد تكون منعدمة.
لكن حدوث مضاعفات بعد عملية تركيب جهاز منظم القلب تتوقف على:
- عدم اختيار دكتور قلب ممتاز له خبرة كبيرة في القيام بـ عملية تركيب جهاز منظم القلب بدون جراحة.
- عدم التأكد من مستوى نظافة وتعقيم عيادة دكتور القلب أو المستشفى اللي هتقوم بإجراء عملية تركيب جهاز منظم القلب فيها.
- عدم اتباع إرشادات الدكتور قبل و بعد القيام بعملية تركيب جهاز تنظيم ضربات القلب.
أشهر مخاطر جهاز تنظيم ضربات القلب هي:مخاطر جهاز تنظيم ضربات القلب
- تورم أو كدمات أو نزيف مكان زرع جهاز تنظيم ضربات القلب.
- حدوث عدوى بكتيرية نتيجة مستوى تعقيم منخفض، ووقتها لازم يتم إزالة جهاز تنظيم ضربات القلب فورًا والتأكد من عدم إصابة الأنسجة الداخلية للجسم بالعدوى خاصة نسيج القلب.
- تلف الأوعية الدموية أو الأعصاب بمكان زرع جهاز تنظيم ضربات القلب.
- رد فعل عنيف من الجسم نتيجة عدم التوافق الحيوي بين جسم المريض و زرع جهاز تنظيم ضربات القلب، و هي حالة نادرة مش بتحصل كتير.
- انهيار الرئة بسبب عدم زرع جهاز تنظيم ضربات القلب في المكان الصحيح حتى ولو بفارق 1 سم.
التعايش مع جهاز تنظيم ضربات القلب
بمجرد القيام بـ عملية زرع جهاز تنظيم ضربات القلب لازم تتجنب التعامل الكتير مع بعض الأجهزة الكهربائية او الأجهزة اللي بتحتوي على مجالات مغناطيسية قوية علشان تبعد عن أي تعارض مع جهاز تنظيم ضربات القلب؛ الأجهزة اللي لازم تحاول تقلل من التعامل بشكل مباشر معاها زي:
مولدات كهربائية وأجهزة لها شحنة كهربائية عالية
ادوات عمال اللحام الصناعي
أجهزة الكشف عن المعادن
لأجهزة المنزلية ، مثل أفران الميكروويف
الهواتف المحمولة ومشغلات MP3 ( زي الـ iPod)
الأجهزة السابقة ممكن تعطل الإشارات الكهربائية لجهاز تنظيم ضربات القلب وتوقفه عن العمل بشكل صحيح، وللأسف مش هتقدر تعرف إذا كان جهاز تنظيم ضربات القلب حصله أي ضرر أو لأ إلا بالمتابعة المستمرة مع دكتور القلب.
و بتعتمد مدى احتمالية تعطيل جهاز تنظيم ضربات القلب على طول المدة اللي بتتعرض فيها للأجهزة الكهربائية والمنزلية، ومدى قرب الأجهزة دي من محيط الصدر مكان زرع جهاز تنظيم ضربات القلب.
علشان تكون بأمان أكبر:
- بينصح دكاترة القلب بعدم وضع تليفونك المحمول مباشرة في الجيب العلوي لملابسك.
- إذا لازم تستخدم تليفونك المحمول ممكن تستخدمه لمدة قليلة جدا في اليوم والاستماع بالأذن في الجهة الأخرى المختلفة اللي تم زرع جهاز تنظيم ضربات القلب فيها.
- في حالة انك هتمر من بوابة الكشف عن المعادن زي بوابات المترو والبوابات الموجودة في المولات الفنادق وغيرها من الاماكن، مفيش داعي للقلق من تأثير الجهاز دا على جهاز تنظيم ضربات القلب لأن الثواني اللي هتمر فيها من خلال البوابة مش هتأثر على جهاز تنظيم ضربات القلب؛ لكن في حالة الإنتظار لمدة طويلة لأي سبب، فممكن تبلغ المسؤول عن ضرورة عدم تعرضك لمدة طويلة للنوع دا من البوابات لأن دا بيأثر على كفاءة زرع جهاز تنظيم ضربات القلب .
القيام بنشاط بدني بعد زرع جهاز تنظيم ضربات القلب
التعايش مع جهاز تنظيم ضربات القلب مش شئ صعب، و دكتور القلب مش هيمنعك من القيام بالنشاط البدني المعتاد ليك، وممكن تمارس بعض الأنشطة الرياضية اللي بتحبها بعد استشارة الطبيب.
لكن بكل تأكيد لازم تبعد عن اي نشاط رياضي فيه احتكاك مباشر مع منطقة الصدر مكان زرع جهاز تنظيم ضربات القلب، زي كرة القدم.
- عدم اختيار دكتور قلب ممتاز له خبرة كبيرة في القيام بـ عملية تركيب جهاز منظم القلب بدون جراحة.
- عدم التأكد من مستوى نظافة وتعقيم عيادة دكتور القلب أو المستشفى اللي هتقوم بإجراء عملية تركيب جهاز منظم القلب فيها.
- عدم اتباع إرشادات الدكتور قبل و بعد القيام بعملية تركيب جهاز تنظيم ضربات القلب.
المتابعة المستمرة مع دكتور القلب
من أهم شروط التعايش مع زرع جهاز تنظيم ضربات القلب هو المتابعة المستمرة مع دكتور القلب كل 3 شهور تقريبًا، للاطمئنان على صحتك و على عمل جهاز تنظيم ضربات القلب بكفاءة لأنه ممكن تقل كفائته من غير ما تلاحظ، بسبب:
- اسلاك جهاز تنظيم ضربات القلب انفصلت من الجهاز أو اتكسرت.
- بطارية جهاز تنظيم ضربات القلب ضعفت أو عطلت.
- تعطيل أجهزة كهربائية أخرى لإشارة جهاز تنظيم ضربات القلب.
كل الحالات دي هينتج عنها تطور اعراض عدم انتظام ضربات القلب بعد زرع جهاز تنظيم ضربات القلب.
تبديل جهاز تنظيم ضربات القلب
غالبًا تبديل جهاز تنظيم ضربات القلب بيكون بسبب ضعف البطارية، ومعظم بطاريات جهاز تنظيم ضربات القلب بتدوم من 5 لـ 15 سنة طبقًا لتصريحات الشركات المصنعة، لكن في الحقيقة هي بتدوم بمتوسط من 6 لـ 7 سنين طبقًا لمرضى كتير استخدموا جهاز تنظيم ضربات القلب.
كم سعر تكلفة زراعة جهاز منظم ضربات القلب فى مصر
سعر تكلفة زراعة جهاز منظم ضربات القلب فى مصر بيتراوح ما بين 35 ألف جنيه لـ 60 ألف جنيه
دواء منظم ضربات القلب
ملحوظة: لا يمكن تناول أي دواء منظم ضربات القلب من الأدوية التالية دون الرجوع لدكتور القلب.
| اسم دواء منظم القلب بالعربي | اسم دواء منظم القلب بالانجليزي | الشكل الدوائي لـ دواء منظم القلب |
|---|---|---|
| ابانيوتن | Epanutin | شراب اقراص حقن |
| فينتوليب | Phentolep | حقن |
| اميرون | Amirone | اقراص حقن |
| كوردارون | Cordarone | اقراص حقن |
| سيداكرون | Sedacoron | اقراص حقن |
| اندرال | Inderal | اقراص |
| ليدوكين | Lidocaine | حقن مرهم |
| بريلا | Prila | كريم |
| أوكتوكاين | Octacaine | حقن |
تعليمات و تحذيرات عند تناول دواء منظم ضربات القلب:
في حالة الاحساس بالصداع الشديد و الرغبة في القيء دا ممكن يكون بسبب الاثار الجانبية للدوا، لازم استشارة دكتور قلب ممتاز علشان يقدر يحدد مستوى اضرار الآثار الجانبية من دواء منظم ضربات القلب اللي بيتناوله المريض، ويبدأ الدكتور في تغيير جرعة الدواء أو استبدال دواء منظم ضربات القلب الحالي بدواء مختلف مناسب أكتر للمريض.
| لازم يتم الالتزام بجرعة دواء منظم ضربات القلب زي ما وصفها الدكتور، و في حالة نسيان جرعة اليوم في معادها المظبوط يا إما يتم أخذها في نفس اليوم، أو لا يتم أخذها تمامًا و بيتم إكمال جرع دواء منظم ضربات القلب كما هي. بمعنى أن مينفعش أبدًا يتم أخذ جرعة يومين في يوم واحد في حالة نسيان جرعة اليوم السابق، لأن دا بيتم اعتباره جرعة زائدة بتسبب اضرار كبيرة للقلب. |
لازم المريض يبعد عن تناول بعض الأطعمة علشان يتنجب اضرار عدم انتظام نبضات القلب بعد الاكل، زي الجريب فروت اللي بيتعارض مع دواء منظم القلب كوردارون.
لازم المتابعة الدورية لوظائف الكبد و وظائف الكلى بالتحاليل المناسبة.
متابعة ضغط الدم باستمرار، لأن بعض الادوية زي دواء منظم القلب كونكورد ممكن يسبب انخفاض في ضغط الدم، وبرودة الأطراف.
علاج عدم انتظام ضربات القلب طبيعيا
لا يمكن علاج عدم انتظام ضربات القلب بالاعشاب، لكن ممكن الاستعانة ببعض الاعشاب المفيدة لصحة القلب لتحسين كفاءة عمل القلب بشكل عامل، زي:
- الحلبة لأنها بتحتوي على مضادات الأكسدة اللي بتساعد في تقليل احتمالية الإصابة بأمراض القلب زي انسداد الشرايين.
- الكزبرة سواء بذور أو أوراق بتساعد في حماية صحة القلب من أمراض القلب المختلفة زي جلطة القلب وانسداد الشرايين لأنها بتشتغل على تقليل الكوليسترول الضار وتقليل تراكم الصفائح الدموية.
- الشاي الأخضر بيقلل من خطورة الإصابة بأمراض القلب لأنه بيساعد في خفض نسبة الدهون الثلاثية بالجسم وبالتالي بيحافظ على صحة الأوعية الدموية وبيحمي من انسداد الشرايين، وبيقلل من خطر الإصابة بالنوبة القلبية والسكتة الدماغية بنسبة 26%.
اطعمة تنظم ضربات القلب
جميع الأطعمة التالية ممكن تندرج تحت مسمى اطعمة تنظم ضربات القلب لأنها بتساعد في تحسين كفاءة القلب بشكل عام، زي:
- جميع الاطعمة اللي بتحتوي على دهون مفيدة أوميجا 3 بتساعد في تنظيم ضربات القلب، زي الأسماك و زيت الزيتون والأفوكادو.
- خضراوات وفاكهة بيحتوا على مضادات الأكسدة زي البازلاء والفول، والتوت والفراولة.
- الشوفان والمكسرات بأنواعها لأنها بتحتوي على ألياف مفيدة للأوعية الدموية وصحة القل.
اطعمة تنظم ضربات القلب
جميع الأطعمة التالية ممكن تندرج تحت مسمى اطعمة تنظم ضربات القلب لأنها بتساعد في تحسين كفاءة القلب بشكل عام، زي:
- جميع الاطعمة اللي بتحتوي على دهون مفيدة أوميجا 3 بتساعد في تنظيم ضربات القلب، زي الأسماك و زيت الزيتون والأفوكادو.
- خضراوات وفاكهة بيحتوا على مضادات الأكسدة زي البازلاء والفول، والتوت والفراولة.
- الشوفان والمكسرات بأنواعها لأنها بتحتوي على ألياف مفيدة للأوعية الدموية وصحة القل.
تعمل ايه إذا تم تشخصيك بـ مرض عدم انتظام ضربات القلب؟
في حالة الشعور بأي عرض من اعراض عدم انتظام ضربات القلب لازم تحدد ميعاد زيارة مع دكتور قلب ممتاز قبل ما تزيد الاعراض و وتوصل للمضاعفات.
وخلي بالك أن اعراض عدم انتظام ضربات القلب بتتشابه مع اعراض امراض تانية، فلازم يتم تشخيص عدم انتظام ضربات القلب بدقة لتحديد أفضل طرق علاج عدم انتظام ضربات القلب سواء من خلال استخدام دواء تنظيم ضربات القلب أو اللجوء لإجراء عملية تركيب جهاز تنظيم ضربات القلب.
اعرف ازاي تستعد لعملية تركيب منظم ضربات القلب
اعرف من دكتور سامح علام استاذ امراض القلب ازاي تستعد لعملية تركيب منظم القلب بدون جراحة
حياتي مع منظم ضربات القلب
من حقك تختار دكتور قلب ممتاز لمتابعة الحالة الصحية لقلبك، وتطمن على حياتك مع دواء منظم ضربات القلب أو مع جهاز منظم ضربات القلب.
اسمع بنفسك بشكل مباشر ازاي عملية تركيب جهاز تنظيم ضربات القلب أثرت على حياة عملائنا بشكل أفضل.
من أكتر الأسئلة اللي بتتسأل في العيادة عن تركيب منظم ضربات القلب هو ” ازاي حياتي مع منظم ضربات القلب هتكون أحسن ؟ ” أو ” ازاي حياتي مع منظم ضربات القلب ممكن تتأثر ؟ “
في الحقيقة أن الحياة مع منظم ضربات القلب مش بتحتاج لبذل أي مجهود زيادة من المريض غير أنه يتبع نصائح الدكتور بالظبط علشان يتجنب أي مضاعفات، وعلشان يستمر جهاز منظم ضربات القلب يشتغل بكفاءة.
بعض الارشادات اللي هينصحك بيها دكتور القلب هي:
- حاول تبعد عن أي التصاق مباشر مع بعض الأجهزة الالكترونية والكهربائية علشان متسببش عطل في جهاز منظم ضربات القلب.
- تجنب الأنشطة الرياضية الشاقة اللي ممكن تسبب اي اصطدام خارجي مع جهاز منظم ضربات القلب.
- ابعد تماما عن التدخين وشرب المشروبات الكحولية علشان صحة القب بشكل عام.
- أهتم بالاكثار من اطعمة تنظم ضربات القلب زي الخضار والفاكهة الطازجة وحاول تتجنب المعلبات.
- المتابعة الدورية مع دكتور قلب ممتاز حتى ولو كل 3 شهور على الأقل علشان تطمن على صحة قلبك أول بأول.