تأثير أمراض القلب على الحمل:

القلب هو العضو الرئيسي لضخ الدم لكل أعضاء الجسم من خلال الاوعية الدموية، بس كفاءته بتختلف خلال فترة الحمل علشان بيحصل تغييرات في الجسم والهرمونات زي إن:

1- بيزيد معدل نبضات القلب، بين 10% إلى 15% عن الطبيعي في الدقيقة الواحدة.

2- بيزيد كمية الدم اللي يضخها القلب، للجسم بين 30% إلى 40% في الدقيقة الواحدة علشان التغير في الهرمونات.

3- بيزيد حجم الدم، بين 40% إلى 50% من حجمه الطبيعي من اول شهر في الحمل.

4- بيقل مستوى ضغط الدم، بنسبة 10 م.ز عن الطبيعي ودا بسبب التغييرات الهرمونية وزيادة كفاءة الدم اللي بيوصل للرحم.

اعراض امراض القلب والحمل:

في أعراض ومؤشرات بتسهل انك تعرفي اذا كان عندك مشاكل في القلب ولا لأ خلال الحمل، زي:

1- وجع في منطقة الصدر.

2- صعوبة في التنفس.

3- قصور في التنفس لما بتعملي مجهود او حتى واني بترتاحي.

4- تسارع نبضات القلب وعدم انتظامها.

5- كحة دموي.

6- الدوخة.

مؤشرات الحمل وامراض القلب:

في عوامل خطر بتشير ان في امراض قلب عند الحمل ممكن تأثر على طبيعة حملك وكمان على صحة قلبك، زي:

1- أمراض صمامات القلب:

لما يكون في قلب اصطناعي أو تشوه في القلب أو ندوب وصمامات بيكون في احتمالية زيادة خطر إصابتك بأمراض القلب وظهور مضاعفات عند الحمل، ولو مشتغلتش الصمامات بشكل صح هيكون في مشكلة كبيرة في تحمل القلب وزيادة ضخ الدم خلال فترة الحمل.

2- عيوب القلب الخلقي:

أمراض القلب ممكن تكون وراثية، لو انتى عندك مشاكل في القلب احتمال مش قليل أن طفلك يكون معرض لأي نوع من أمراض القلب.

3- عدم انتظام نبضات القلب:

مشاكل عدم انتظام ضربات القلب بتكون شائعة خلال فترة الحمل بس في اوقات بتبقى سبب انك تزوري دكتور القلب.

4- فشل القلب:

مع زيادة حجم الدم بيزيد خطر الإصابة بفشل القلب.

طرق الوقايه من امراض القلب خلال الحمل:

علشان تعرفي تهتمي بصحة طفلك هو انك تهتمي بصحتك الاول، زي انك:

1- تاخدي الادوية زي ما الدكتور الخاص بيكي كاتب.

2- التزمي بزيارة الدكتور في مواعيدها قبل الولادة.

3- اتحكمي في قلقك وتوترك.

4- حاولي تنامي وترتاحي كويس وابعدي عن أي أنشطة بدنية ممكن تتعبك.

5- اكسبي الوزن الصحي، علشان زيادة الوزن المفرط بيضر بصحة القلب.

6- ابعدي عن التدخين و الكحوليات والكافيين.

*ملحوظة:

للأسف أمراض القلب تحتل المركز الأول للوفيات اثناء الحمل او الولادة، علشان بتأثر على الأوعية الدموية أو عضلة القلب بسبب الضغط اللي بيحصل للقلب والدورة الدموية، بس في الاخر الستات اللي بتولد وعندها أمراض قلب بتولد أطفال بصحة كويسة و من غير مشاكل في القلب، علشان كده مهم جدًا تتابعي مع اشطر دكتور قلب خلال فترة الحمل علشان تحمي قلبك وتحافظي على صحة ابنك.